Pétur

Ég starfaði sem QESH-stjóri hjá Coca-Cola á Íslandi: gæða-, umhverfis- og öryggismál. Ég var þar alltof lengi, sagði upp, fór í leiðsöguskóla, varð löggiltur leiðsögumaður og keypti rútu. Það var fyrir átta árum og ég stofnaði mitt eigið litla fyrirtæki með mig sem eina starfsmanninn.

Það er erfitt að ná athygli ferðamanna sem koma til Íslands. Stóru fyrirtækin ná þeim í netin sín löngu áður en ég fæ tækifæri. Nú ætla ég að breyta því og bý til mínar eigin ferðir á staði sem ég þekki vel.

Flestar ferðirnar mínar eru líkar því sem aðrir bjóða, því fólk vill sjá sömu staðina. En ein þeirra er öðruvísi. Þá fer ég með þig út úr þvögunni og inn í minn heim: hverfin þar sem ég ólst upp, staðinn þar sem Íslendingar borða hádegismat, útisafnið, laugina í mínu hverfi og loks heim til mín.